Тајните на подводниот свет

Боенка со морски животни која се претвора во 3D аквариум!
Наменета за љубителите на морските животни, но и за оние кои сакаат да научат повеќе, оваа боенка претставува забава за сите генерации!

Тајните на подводниот свет е смарт боенка за деца и возрасни каде морските животни оживуваат во 3D верзија директно на страниците со помош на специјално дизајнирана мобилна апликација. Преку оваа боенка можете да ги набљудувате делфините, китовите-убијци, ајкулите, морските желки, октоподите директно на екранот на Вашиот смартфон или таблет.

Ќе можете да ги гледате од сите агли, да ги следите нивните навики, начинот на кој ловат или се кријат од непријателите. Морските животни изгледаат реалистично и се однесуваат како вистински риби. Во апликацијата е вметната и опција за раскажување, па така додека ги набљудувате животните нараторот ќе Ви раскаже за начинот на кој живеат овие чудесни суштества. За оваа опција потребно е да имате пристап до интернет.

Користејќи Google Cardboard очила за виртуелна реалност или слични ќе можете да прошетате низ загубениот остров и по морското дно за да ги погледнете живеалиштата на морската фауна. Мобилната апликација може да се инсталира на Андроид (4.0 или понов), како и на iPhone (4 или понов), и iPad (2 или понов).

Внимавајте: За да бидете сигурни дека апликацијата ќе функционира непречено, обидете се да не боите преку задебелените црни линии на сликите. Опцијата за очила за виртуелна реалност е достапна само за смартфони со определена големина на екранот и кои ја поддржуваат функцијата на жироскоп.