Спогодувањето во македонското казнено право – Марија Гроздановска

Монографијата „Спогодувањето во македонското казнено право“ се надоврзува на монографијата „Спогодувањето во компаративното казнено право“ со која заедно сочинуваат една целина. Збогатени со актуелни содржини, комплетирани со нови сознанија и податоци, движејќи се во линија, теоретско, компаративно и домашно сознание, историско искуство, преку извршени анализи и добиени податоци монографиите прикажуваат детална разработка на спогодувањето, која до сега не е направена на наше поднебје, што подразбира оскудност на податоци за оваа материја. Спогодувањето не е само техничка промена на постапката, туку тоа има низа консеквенции врз кривичноправниот систем во кој се применува. Тргнувајќи од потребата за прилагодување на сите субјекти кои учествуваат во спогодувањето, промените кои тоа ги манифестира врз обвинетиот, жртвата и јавноста како целина, спогодувањето бара сериозен пристап при неговото воведување во еден систем кој се темели врз владеење на правото.