Современото општество во кое живееме, развојот на комуникациите, информатичката технологија и глобализацијата, доведоа до неопходност од реформи на целото правосудство, односно негова модификација со цел задоволување на потребите и барањата на корисниците на правосудните услуги.
Евидентирана беше потреба за изградување на правосудство кое ќе биде сервисно ориентирано, а за остварување на таа цел неопходно беше постапките да се поедностават, трошоците да се намалат, да се применат нови технологии, како и да се воведат нови начини за решавање на споровите. Поради сè ова, во современото казнено процесно право
нема поголем реформски зафат без да се воведе некој од облиците за забрзување на кривичната постапка.
Реалното сфаќање на проблемот создаде подготвеност на органите на казнениот прогон за компромиси, за промени кои дотогаш биле нетипични за евроконтиненталните земји. Доколку причина за неефикасната кривична постапка е казненото процесно право, логично е дека за да имаме ефикасна постапка треба да извршиме нејзина реформа. Поради тоа, предизвик за многу држави во светот е кривичната постапка да се избегне или да се скрати на некој од законски дозволените начини.
Поврзани продукти
